Jeg er dobbeltsproget.
Den danske version er under arbejde.
Kontakt mig via mail: psykologi@niinami.gl
Inunnik ataasiakkaanik eqimattanillu oqaloqateqarnerit, saqqummiinerit pikkorissaanerillu imarisai akiilu ataani takukkit
Suleqatigiittut gruppesupervision
Inunnik sullissisuulluni, pisariaqartitsineq aallaavigalugu innersuunnartarpoq suleqatigiit qaammammut, qaammat allorlugu imaluunniit ukiumut kvartalikkaartumik gruppesupervision ingerlanneqartarnissaa.
Gruppesupervision siunertarivaa sulisutut, sullissisutut suleqatigiittullu ineriartorneq, inuttut ineriartornermik imalik. Gruppesupervision aqqutit ilagivaat suliffeqarfiup tarnikkut peqqinnartuunissaa. Sulisut taamaasillutik stressimik kingunerluutinilluunniit eqqugaannginnissaat, pisullu ilinniarfigalugillu inerikkiartorfiginissaannut aqqutissiuussineq ingerlanneqartarluni.
​
​Gruppesupervision sulisunut 3-9, timemut 2500kr. Nalinginnasumik 2 tiimit ingerlasarpoq.
Inunnik ataasiakkaanik oqaloqateqarneq
- terapi aamma supervision
Individuel terapi 1300kr pr/time., suliffeqarfiup akilerpagu 1400kr. pr/time.
​
Illit inuttut ataasiakkaatut pisariaqartitatit naapertorlugit allaffinni, nittartakkakkut oqarasuaatikkulluunniit oqaluunneq ingerlassinnaavarput.
Oqaluunneq siullermi pingaartittarpara immitsinnut ilisaritilaarnissarput, annikittunnguamillu illit oqaluttuassartat paasisaqarfigilaarnissaa, ilinnorpiarmi tulluartumik oqaloqatigiinnissaq pingaartittarpara, oqaloqatiginnittariaatsit assigiinngitsuusarmata.
​
​
Individuel supervision 1400kr pr/time.
​
Suliffeqarfimmit kisimiilluni supervision ingerlanneqartarpoq. Aqutsisut sulisullu uanni supervision ingerlattarpaat. Supervision siunertarivaa illit sulisutut inuttullu suliffeqarfik ilutigalugu ineriartornissat, tarnikkullu peqqissutsikkut suliffeqarfimminngaanneersuunngitsumit paarineqarnissat. Suliffeqarfimmi nalornissutit, ingerlariaqqinneq ajulissutit eqqartorneqarsinnaapput, imaluunniit nammineq sullissinerup iluani qamani qisuariaatigisartakkat eqqarsartaaserluunniit ineriartorteqqinnissaanut sakkussanik aallerluni.
Aappariinnut
Parterapi 1700kr pr/time.
​
Aappaqarneruna arlaatigut suliassaqarfiujuaannartartoq. Innersuuttuaannarpara aappariit akuttuallaanngittumik oqaloqatigiiffeqartassasut, ilaasalu iluarisarpaat pingajoqarlutik, oqaloqatigiinnerup ilusaata ajunngittumik, ineriartorfiusumik paaseqatigiiffiusumillu ingerlanissaanik aqqutissiuunneqarusullutik.
​
Aappariinneq inuttut tarnikkullu ineriartorfiujuaannarpoq, inuillu allanngorartuugatta naapissinnaaffeqartuarnissaq inooqatigiinnermut peqqinnarpoq.
Ilaqutariikkaannimlu aappariinnerup ajunnginnissaa pingaarnerpaavoq, ajunngippat meeqqat toqqissisimasumik angerlarsimaffeqassagamik.​​
Saqqummiinerit - oplæg
Saqqummiiffigisassat inuit amerlassusaat, qasseriaq saqqummiineq sumiiffillu apeqqutaalluni akit aalajangerneqartarput.
Nalinginnaasumik timemut 3500kr, piareersarneq ilanngutereerlugu.
​
Inuiaqatigiinni katersuuffinni saqqummiinerit ingerlattarpakka. Tamakku ulluinnarni unnukkut nerereernerup kingorna pikkajuttarput, sap. akunneratalu naanerani ullukkut saqqummiinerit ingerlakkajunnerusarlutik.
​
Suliffeqarfinnut saqqummiinerit ullukkut ingerlakkajuttarput.
Saqqummiunnikuusat uani takukkit:
​
Pikkorissaanerit - kurser
Ukiuni 5-ni kommunemi, Naalakkersuisoqarfimmi statillu iluani sulinermi psykolog-iulluni pikkorissaasaarnissaq saqqummiisarnissarlu ingerlattarsimaqaakka, taamaammat toqqammavigissaarlunga ikiorteqarluarlungalu saqqummiinerit pikkorissaanerillu sulisutut ingerlattarnikooqaakka.
​
Pikkorissaanerit piareersimasuuteqarpunga, arlalitsigullu pikkorissaatitsiniartoq ataatsimeeqatigisarpara, pikkorissaanerup isikkussaa imassaalu inissillugit, pisariaqartitat naapertorlugit.
​
Kursus ulloq ataaseq 15.000-17.000kr.
Ilaareerlutik: piareersarneq, ataatsimiinneq, materialer, kursusbevis.
Ullut sisamat sinnerlugit pikkorissaaneq ingerlanneqassappat aki appartarpoq.
​​
Pikkorissaanikuunikka uani takukkit:
​
Konsulentarbejde - Organisationspsykologi
Organisationspsykologi misilittagaqarfigivara, ilinniartuuninnilu virksomhedspsykologimi eksamenernikuullunga.
Suliffeqarfimmi malittarisassat (retningslinjer), sulisut suut suliffeqarfimmi suliarisassaneraat (funktionsbeskrivelser), suliffeqarfimmi anguniagassat pingaartitallu (målsætninger og værdier), suliffeqarfillu naqqaniik aallartittumik ilusilersuineq misilittagaqarfigivara, suliarissallugillu aamma nuannarillugit.
Psykiatrimi retningslinjer aaqqissuuttarnikuuagut, anstaltimilu psykolog-ini siullersaallunga qaammatit 8 kisimiillunga nunatsinni Kriminalforsorgen-imi Sundhedsafsnit pilersinneqarmat naqqaniik ilusilersornera sygeplejerske direktørerlu suleqatigalugit ilusilersorparput. Kingusinnerusukkut psykiater allalu psykolog suleqatigilerparput.
Allami suliffeqarfimmi malittarissat aamma sukateqataaffigisarnikuuakka, suliffeqarfiup sulisullu pisariaqartitai naapertorlugit, sullissilluarsinnaaneq anguniarlugu.
​
Konsulentarbejde suliassaq apeqqutaatillugu kontraktiliornikkut akitigut isumaqatigiinneq ingerlanneqartarpoq.