Servicebeskrivelse

Ullut marluk ingerlanneqassaaq. Ullutsinni ulapaarfiusumi stress pinaveersaartinnissaanut sakkussaqarluarneq pingaaruteqartorujussuuvoq. Inulerisuugaannilu inulerisutut qasulersinnaaneq (omsorgstræthed) aamma pinaveersaartinnissanut pingaaruteqartorujussuulluni. - Tarnikkut peqqissuseq sunaava? - Stress sunaava? - Sulisutut qasulerneq sunaava? - Qanoq pinaveersaartinneqarsinnaappat? - Imminut, suleqatigiittut suliffeqarfimmilu imminnut paarineq qaniq isumaqarpa? Uannut tulluartumik imminut qanoq paarisinnaavunga? Uani pikkorissaanermi sulisut tarnikkut peqqissusaat qitiutinneqarluni ulloq ingerlanneqassaaq, saqqummiinerit, eqqartueqatigiinnerit suliaqarnerillu aqqutigalugit. Pikkorissareernerup kingorna sulisoq sakkussaqarnerulissaaq stressimut pinaveersaartitsinissaminut, minnerunngitsumillu suleqatigiittut aamma imminnut paarinissaminnut. Stressi inuk ataasiinnarmiinngilaq, suliffeqarfimmilu stressi pinaveersaartissagaanni isiginnittaaseq annerusoq isigineqartariaqarpoq, uanilu pikkorissarnermi sulisoq, suleqatigiit suliffeqarfillu ataqatigiinnerannik ersarissumik tigussaasumillu iliuusissat oqitsut aqqutigalugit sulisup suli paarilluarnerunissaanut isumannaarinninnissaq oqinnerulissaaq. Stressi pinaveersaartissinnaavoq, suliffillu orniginarnerusoq oqinnerusorlu pilersinnissaanut aqqutissiuussissalluni. Taamaasilluni stressi pillugu sulinngittoortarnerit sulisinnaajunnaartarnerillu ikilisarneqarsinnaallutik. Suliffik tarnikkut peqqinnartoq pilersiguk, uani pikkorissarnermi sakkussanik aallerit. Imaappoq, pikkorissareernerup kingorna sulisut namminermut tulluarsakkamik stressilinnginnissaminnut sakkussanik piumaarput, aammalu suleqatigiittut suliffeqarfittullu eqqumaffissat nukkassarsimassallutik, taamaasilluni tamaat isigalugu oqimaaqatigiinnerusumik suliffimmi ingerlatsinissamut periarfissat ammaassorlutik. Pikkorissareernermi kursusbevis pineqassaaq.